- 733 -

1448. Mai 21. Fürstenstein.

Meyn ffruntlichen dinste zuuor, erbaren, weysen hern vnd ffrund, noch deme als ir mir geschrebin habet habe ich wol vornomen, losse ich euch wissen wes ir in den sachen rotis werd, das euch das beste dungket vnd mich das wissen losset, doreyn wil ich euch gerne helffen vnd roten noch meynen besten vormogen vnd suld mich dorynne nicht sparen, sunderlichen als ir mir schreybet von des Coldan wegen, so habe ich das alze besteld vnd wil das noch besteln was ich dirffaren werde, das euch zu schaden komen mochte, wil ich euch des zu tage adir nacht wissen lossen vnd euch do methe nicht vorsewmen, gegebin vffm Ffirestensteyne am monttage in des hylgen leychnams woche anno domini & XLVIII°.
Herman Czettras, ritter, vffim Ffurstensteyne gesessen.

Mit Rückaufschrift an den liegnitzer Rath.

Orig. Kgl Bibl z. Berl Ms. Boruss. f. 568. No. 69.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866